Søndag 15. mars arrangerte me vår årlege basar. I år som i fjor i samarbeid med skulemusikken.
Tradisjonelt arrangement med konsert, åresal, trekning av loddbøker og gratis mat og drikke til alle frammøtte.
Grunna litt forfall i korpsa so spelte skulemusikken og musikklaget i saman på konserten. Der spelte me "Bruremarsj"(Jan Magne Førde) og "The muppet show theme"(Henson/Pottle).
Aspirantane til skulemusikken imponerte mest på konserten. Dei framførte 2 nummer. "Idas sommarvisa" og ein rocka versjon av "Bæ Bæ lille lam". Under kyndig veiledning av Aidan Smith fekk dei det til å svinga skikkeleg. Superbra levert!!
Musikklaget og skulemusikken takkar for støtte frå alle frammøtte på basaren. Takk til alle som bidrog med gevinstar.
